فى البدايه السلام عليكم ورحمة الله رمضان والجرسه يا اخوانا فى ايام رمضان بالزات ملاحظين حاجه انو الناس بتبقى اخلاقه ضيقه شديد يعنى الواحد لو سالتو قلت ايهو داير امشى محل معين يطفشك طفيش السنين يقول ليك انا صايم وعطشان هسى دا وكت سؤال وخصوصآ فى المواصلات دا كمان فلم هندى من الدراما المابتنتهى الواحد لو لمسك ساااااى تحمر ليهو
التقول ضربك تعمل من الحبه قبه والناس تقوم وتقعد فى موضوع ما بستاهل ولو حصل فى الايام العاديه كان مشيتو بدون اثارة فوضى فسبحان الله ارتبط رمضان عندنا بضيق الاخلاق ما عارف ليه ؟؟ مع انو المفترض الاخلاق تكون فى قمتا لانو الصوم بعلم الصبر والصبر فى اى شئ كمان ...... ربنا يطول الاخلاق والناس تبطل الجرسه الفى رمضان دى