نكات سودانية جديدة

المسطول ضرب لى بوش وقال ليهوا نحن قررنا نغزو اميركا ..
جورج بوش : انتو منو ؟
المسطول : انا والفرد .. ود اللواء .. وكلوش .. والشباب الحلوين كلهم ..
بوش : يا عمك انت ما عارف انا عندى احتياطى جنود ما يقارب 3 مليون جندى جاهزين لاى حرب ؟؟
المسطول : ااه .. منو .. كم ؟؟ .. اوكى الكلام ده انا ما مستعد ليهوا كدى خلينى اتشاور مع الشباب وارجع ليك بالقرار ..
اليوم الثانى .........
المسطول: يا بشو .. نحن قررنا ما نغزو اميركا.
بوش : (ساخرا) ليه ؟؟؟
المسطول : والله يا عمك .. ما عندنا مكان لى 3 مليون اسير امريكى ..

مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف


رباطابي جاتو بواسير الجماعه قالو ليهو سخن لبن حار واقعد فيهو مشي للمره قاليها سخني لي لبن سخنت اللبن قام قعد فيهو قام نطا قالت ليهو مالك حار قاليها لا مسيخ_

واحد سكران بيسأل من بيت جماعة...واحد قاعد يوصف ليهوا:
تمشى بى شارع كبسولة بسط الامن الشامل دييييك .. تخش على شارع المحكمة .. تخلى مركز الشرطة على يمينك .. البيت الفاتح على بيت الامن طوالى دا البيت...رد عليهوا السكران:
فى ذمتك اسى شارعك الوصفتو دا زول شارب كركدى بمشى بيهو ؟؟؟ ......

واحد ماشي بعربيته فجأة طارت مسامير اللستك كلها ، جا ماري بي جمبو واحد مسطول قال ليهوا :شيل مسمار من كل لستك وركب اللستك الطارت مساميره .
الراجل اتكيف من الفكرة .. رد على المسطول طيب بقولو عليك مسطول ليه ؟
المسطول قال ليهو أخير يقولو علي مسطول ولا يقولو حمار

هههههههههههههههه حلوه تسلميا عثو